Галактика

День памяти преподобного Сергия Радонежского — всея Руси чудотворца.

.

.

.

.

.

.

.

Молитва Сергию Радонежскому 

О преподобне и богоносне отче наш Сергие! Воззри на нас(имена) милостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всем и коемуждо благопотребен и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира.

Аминь.

А так же: https://galactika.info/sergij/

Тропарь преподобному Сергию Радонежскому
Тропарь, глас 4

Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, Егоже действием светло украшен еси: но яко имея дерзновение ко Святей Троице, поминай стадо, еже собрал еси мудре, и не забуди якоже обещался еси, посещай чад твоих, Сергие преподобне, отче наш.

Тропарь, глас 8

От юности восприял еси Христа в души твоей, преподобне, и паче всего возжелал еси мирскаго мятежа уклонитися: мужески в пустыню вселился еси, и чада послушания в ней, плоды смирения возрастил еси. Тем быв Троице вселение, чудесы твоими всех просветил еси, приходящих к тебе с верою, исцеления всем подавал обильно, отче наш Сергие, моли Христа Бога, да спасет души наша.

Кондак преподобному

Христовою любовию уязвився, преподобне,/ и Тому невозвратным желанием последовав,/ всякое наслаждение плотское возненавидел еси,/ и яко солце отечеству твоему возсиял:/ тем и Христос даром чудес обогати тя./ Поминай нас чтущих пресветлую память твою, да зовем ти:// радуйся, Сергие богомудре

Быв «уязвлен» божественной любовью, ты последовал с твердым желанием за Христом, возненавидев всякое телесное (плотское) наслаждение. Ты как солнце возсиял своему Отечеству. И Христос Господь наградил тебя даром чудес. Поминай нас, почитающих твою святую память. Взываем к тебе: радуйся Сергий богомудрый!

Величание преподобному

Ублажаем тя, преподобне отче наш Сергие, и чтим святую память твою, наставниче монахов и собеседниче ангелов.

Возвеличиваем, почитаем тебя, преподобный отец наш Сергий! А также чтим святую твою память, как наставника и учителя монахов и собеседника ангелов.

08.10.2013