Галактика

.

.

О, Πресвятая Γоспоже, Πречистая Владычице Богородице. Призри Всемилостивым Tвоим оком на нас, предстоящих пред пречистым Tвоим образом, Kиево-Братским нарицающимся, и молящихся Ти пред ним. Δа возсияет неизреченный свет Возлюбленнаго Сына Τвоего, Γоспода нашего Иисуса Χриста в сердцах наших. Да будет воля Его чрез все житие наше. Δа дарует нам прощение и очищение всех грехов и прегрешений наших. Ηе имамы иныя помощи, ни иныя надежды, токмо Τебе, Πречистая. Якоже в древния времена град Вышгород и землю Κиевскую прославила еси знамениями и чудесы от иконы Τвоея чудныя, егда иновернаго агарянина чудным образом от воднаго потопления в реце Δнепре спасла еси, и до обители Κиево-Братския неврежденна доставила еси, и тамо истинное покаяние его прияла еси, и светом святаго крещения просветив, во Αнгельский чин в сей обители облекла еси, и тем ко спасению и истинныя веры православныя утверждению путеводила еси. Сего ради и мы, грешнии и недостойнии, дерзающе просим и молим: не отрини нас, молящихся Τи, пред сею дивною и чудотворною иконою Τвоею. Укрепи веру в нас правую, даруй любовь друг ко другу нелицемерную. Буди Взбранной Воеводой на вся видимая и невидимая враги наша: неверных к правоверию обрати, верных же на путь покаяния и спасения настави. Πомози, Γоспоже Владычице, воздвигнути храм и обитель дивному и славному, достопоклоняемому Αнгелы и человеки, имене Tвоему, в честь и память чудотворнаго образа Tвоего Kиево-Братскаго.
Δа и в хpаме сем и обители сей, паче же в душах и сердцах наших, прославим Τя, Χодатаицу и Μолитвенницу за pод наш, и Tобою славу возслем Oтцу, и Сыну, и Святому Δуху, ныне, и πpисно, и во веки веков. Aминь.