Молитвы Богоматери

Молитвы, иконы, песнопения

http://www.youtube.com/watch?v=rFeKgm0FFT4

 

 

 

 

 

 

 

 

Молитва первая

О Пресвятая Госпоже Владычице Богородице! Воздвигни нас, раб Божиих (имена) из глубины греховныя и избави нас от смерти внезапныя и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его Духом.

Молитва вторая

Пресвятая Дево, Мати Господа, покажи на мне, убозем, и рабах Божиих (имена) древния милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшнем Суде. Ты бое си, Госпоже, слава небесных и упование земных. Аминь.

Молитва третья

Нескверная, Неблазная, Нетленная, Пречистая, Неневестная Богоневесто, Богородице Марие, Госпоже мира и Надежде моя! Призри на мя, грешнаго, в час сей и Егоже из чистых кровей Твоих неискусомужно родила еси Господа Иисуса Христа, милостива мне соделай матерними Твоими молитвами; Того зревшая осужденна и оружием печали в сердце уязвившаяся, уязви душу мою Божественною любовию! Того в узах и поруганиях горце оплакавшая, слезы сокрушения мне даруй; при вольном Того ведении на смерть душею тяжце поболевшая, болезней мя свободи, да Тя славлю, достойно славимую во веки. Аминь.

Молитва четвертая

Заступнице усердная, благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.

Молитва пятая

Пресвятая Владычице Богородице, единая чистейшая душею и телом, единая превысшая всякой чистоты, целомудрия и девства, единая всецело соделавшаяся обителию всецелой благодати всясвятаго Духа, самыя невещественыя силы здесь еще несравненно превзошедшая чистотою и святынею души и тела, призри на мя мерзкаго, нечистаго, душу и тело очернившаго скверною страстей жизни моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующаго надо мною злаго и гнуснаго навыка к нечистым предразсудкам и страстям, останови всякий действующий во мне грех, омраченному и окаянному уму моему даруй трезвение и разсудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, единую Матерь истиннаго Света — Христа, Бога нашего; потому что Тебя одну с Ним и о Нем благословляет и славит всякая невидимая и видимая тварь ныне, и всегда, и во веки веков. Аминь.

Молитва шестая

О Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, «Всех скорбящих Радосте», услыши и мя, скорбнаго; Ты, именуемая «Утоление печали», утоли и мою печаль; Ты, «Купино Неопалимая», сохрани мир и всех нас от вредоносных огненных стрел врага; Ты, «Взыскание погибших», не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступница, и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь. Источник

http://www.youtube.com/watch?v=SNB5r2FMe6o

Рекомендуем статьи:

Галактический Календарь на 08.08.2013
Волну Кармы ведут Сен-Жермен и Мария Магдалина.           ...
Галактический Календарь. Волна Человека
Галактический Календарь. Волна Человека с 19 по 31 марта 2016 года.  ТоТ Атлант и МааТ (Мириам) ...
Архангел Михаил
      . . . . . . Архангел Михаил Rina и Михаил  h...
Галактический Календарь на 29.06.2014
Волну Орла ведут Аштар и Мария Магдалина. . . . . . . . . . . Галактический Календарь на ...
Млечный Путь
    DUNE. Colin Legg Jake Johnson 3 Shot panorama of Mt Baker. *The Mi...
Добрый день!
Сегодня, 11.09.2013                 ...
Галактический Календарь на 03.07.2014
Волну Орла ведут Аштар и Мария Магдалина. . . . . . . .. . Галактический Календарь на 03 ию...
Хаторы: Новые Времена
Мы, Хаторы, приветствуем вас в Любви Единого.                   Хаторы: Новые Времена  ...
В глаза бессмертия!..
Стихи: Михаила и Солнечного Ангела                   В глаза бессм...
Весна в Японии
Праздненство жизни! - . . . . . . . . - -. . . . . . . Щедрое цветение...
Сегодня в космосе и на Земле
03.03.15 Солнечные шалости и др... . . . . . . . .
Урок духовности
5 октября                 ...
Добрый день!
Наши новости сегодня, 19.01.2013:             ...
Галактический Календарь на 02.02.2014
Волну Человека ведут Хаторы и ММ - - - - - - - - - Галактический Календарь на 2 февраля 20...
Лето - это маленькая жизнь!
Фотки работы разных авторов: http://www.liveint...
Галактический Календарь на 16.01.2015
Волну Божественного Дитя ведут Семь «Я». . . . . . . . . . . Галактический Календарь на...
Эзотерический прогноз на лето 2013 года
Как построена наша собственная система мыслей? Всё ли мы делаем на наше благо и благо других людей, ...
Галактический Календарь на 03.09.2013
Волну Воина ведут Архангел Михаил и Мария Магдалина.         &nbs...
Галактический Календарь на 12.03.2015
Волну Орла ведут Аштар и Мария Магдалина. . . . . . . . . .   Галактический Календ...
Фазы Венеры и метеорный поток Геминид в декабре 2013 года
Видеонаблюдения              
5 187 просмотров